ESTADOS UNIDOS UG SAUDI ARABIA, NAGKASINABOT SA NUCLEAR ENERGY COOPERATION

Mipirma og kasabutan ang Estados Unidos ug Saudi Arabia aron palig-onon ang ilang kooperasyon sa paggamit sa nuclear energy.

Gipangunahan ni US Secretary of Energy Chris Wright ug Saudi Minister of Energy Prince Abdulaziz bin Salman ang pagpirma sa mga dokumento.

Matud sa US Department of Energy, lakip sa nahisgutan ang bilateral safeguards agreement nga mubarog isip legal nga pundasyon sa gilauman nilang multi-billion dollar partnership sulod sa daghang katuigan.

Tungod sa maong agreement, makasulod ang mga kompanya sa Estados Unidos sa nuclear energy program sa Saudi Arabia.

Sa dili pa kini hingpit nga ipatuman, ipadala una ang kasabutan sa Kongreso sa Estados Unidos alang sa pagrepaso.