Nagpasidaan si Interior and Local Government Secretary Jonvic Remulla nga posibleng mokabat sa gatusan ka kinabuhi ang mabutang sa peligro sa pagdakop kang Senador Ronald “Bato” dela Rosa, nga giingong gipanalipdan sa usa ka gamhanang armadong grupo sa hilit nga bahin sa Davao City.
Sa interbyu niadtong Lunes, Oktubre 19, miingon si Remulla nga kinahanglan makigsabot una sa maong grupo aron malikayan ang grabeng panagsangka kon ipatuman ang mandamiento de arresto batok sa senador.
Gipatin-aw sa kalihim nga dili niya gustong mosangpot sa gubat sibil ang pagdakop sa usa ka tawo, busa kinahanglan kini ipahigayon sa husto ug malinawon nga paagi.
Gidawat usab ni Remulla nga wala niya madakpi si Dela Rosa sa Senado niadtong Mayo 2026 tungod kay gitahod niya kaniadto ang usa ka kasabotan sa mga lider sa Senado. Matud niya, dili na niya sundon ang maong kasabotan kon gamiton kini aron pugngan ang pagpatuman sa balaod. Gimahayaan sab sa kalihim nga wala lagib niya dakpa kaniadto ang senador nga naa na untya siyay chance didto sa senado.
Milampus ang senador sa paglikay sa pagserbisyo sa warrant sa National Bureau of Investigation (NBI) nga giisyu may kalabotan sa kaso sa International Criminal Court (ICC).
Giatubang ni Dela Rosa ang akusasyon nga nalambigit siya isip indirect co-perpetrator sa krimen batok sa katawhan nga murder, kalabot sa kampanya batok sa ilegal nga droga sa administrasyon ni kanhi Presidente Rodrigo Duterte. Ang maong mga akusasyon wala pa mapamatud-i sa korte.
