Miabante na ang England men’s football team sa semifinals sa FIFA World Cup human mapildi ang Norway sa iskor nga 2-1, sa hugot nga quarterfinal match nga miabot pa sa extra time.
Nagtabla ang duwa, 1-1, human sa 90 minutos nga panagsangka sa duha ka koponan. Naunang nakaiskor ang Norway sa ika-36 nga minuto pinaagi kang Andreas Schjelderup, nga mitira aron mahatagan og unang abante ang ilang team.
Nanguna si Jude Bellingham sa England pinaagi sa pagtala og duha ka goal nga nagdala sa Three Lions sa ilang ikatulong World Cup semifinal appearance sukad pa kaniadtong 1966.
Sa extra time, tulo pa lamang ka minuto ang milabay sa dihang midominar pag-usab ang opensa sa England. Mitira usab si Morgan Rogers og long-range shot nga nakahatag og kadaugan sa England.
Human sa ilang makasaysayanong kadaugan, atubangon sa England ang Argentina sa sunod nilang duwa. Ang Argentina miabante usab sa semifinals human mapildi ang Switzerland pinaagi sa pagtala og tulo ka goal.
