Subling giklaro sa lead vocalist sa banda nga Eraserheads nga si Ely Buendia nga dili tinuod ang mga nikatap kaniadto nga hungihung bahin sa giingon nga isyu sa pagpanglugos sa sexy aktress nga si “Pepsi Paloma” sa ilang kanta nga “Spoliarium” nga nauso kaniadtong dekada 80.
Sumala pa niini nga “It’s not about Pepsi,” atol sa gipahigayon nga media conference alang sa documentary film nga “Eraserheads: Combo on the Run”.
Kahinumduman, nga ang nahisgutan nga kanta gidungog nga nagdetalye sa trahedya nga nahitabo kang Pepsi.
Kaniadtong 2021, gi-debunk ni Ely ang dugay na nga mga mito ug espekulasyon bahin sa ilang kanta, pinaagi sa podcast ni Saab Magalona ug Jim Bacarro.
Matud pa niini, nga ang kanta tungod sa indibidwal nga miinom og ilimnong makahubog , hangtod nga nagbuy-od na kini sa yuta, susama sa nakita sa painting ni Juan Luna.
Kabahin sa nahisgutan nga mga pangalan nga “Enteng” ug “Joey,” nga tinuod kini nga mga tawo ug sumala pa mao kini ilang road manager kaniadtong higayona, sukwahi sa espekulasyon nga gitumbok sa Enteng diin mao ang sikat nga karakter sa “Eat Bulaga” host nga si Vic Sotto kon Enteng Kabisote ug ang Joey, nga giingon nga si Joey De Leon.
Kahinumduman, nga nabuhi pag usab ang issue kang Pepsi Paloma gumikan sa pelikula nga “The Rapists of Pepsi Paloma” ni direk Darryl Yap.
