-- ADVERTISEMENT --
DAVAO CITY – Nagpahigayon og Police Inspection ang Ecoland Police Station sa ginsakupan niining mga nagkadaiyang tulunghaan sa dakbayan sa Dabaw.
Ang maong aktibidad ang gipangunahan mismo ni PLT Alfree Rosario Aguilar aron masiguro ang kaluwasan ug seguridad sa mga magtutudlo ingon man mga estudyante alang sa unang adlaw sa pagsugod ug pagbalik sa face-to-face classes karong school year 2022-2023 sukad sa duha ka tuig nga online o modular ang pamaagi sa pagtungha gumikan sa nasinatiang pandemya hatud sa COVID-19.
Mitambong usab sa flag raising ceremony ang nahisgutang mga personahe sa kapulisan.
Via || DANICA BAGUIO
