Mikabat na sa 2,011 ang kumpirmadong namatay tungod sa Ebola sa Democratic Republic of Congo samtang padayon ang paspas nga pagkaylap sa virus sa pipila ka bahin sa nasud.
Base sa datos sa Congo’s public health institute, 4,381 na ang kumpirmadong kaso sa lima ka probinsya.
Lakip sa mga nakapalisod sa pagpugong sa outbreak ang nalangan nga pagkadiskubre sa mga kaso, kakulang sa health services, problema sa seguridad ug kakulang sa medical supplies.
Kini na ang ika-17 Ebola outbreak sa Congo ug nalambigit sa Ebola Bundibugyo species, nga wala pay aprubadong bakuna.
Gideklarar usab sa World Health Organization ang outbreak isip public health emergency of international concern human adunay natala nga mga kaso sa Uganda.
Kapin 500 ka suspected cases ang natala sa Ituri province gikan Enero hangtod Mayo 15 ning tuiga.
Padayon usab nga problema ang kahadlok ug kakulang sa pagsalig sa pipila ka komunidad ngadto sa health workers, nga nakaapekto sa contact tracing, isolation ug pagpugong sa dugang transmission.
