DAVAO CITY – Gihikay na ang kaso batok ngadto sa duha ka mga lalaki nga nangadakpan gumikan sa pagpamaligya ug illegal nga druga dinhi sa dakbayan sa Davao.
Nadakpan ang duha ka mga suspek sa duha ka mga managlahi nga buy-bust operation sa Sta. Ana Police Station.
Unang nadakpan si Ramil Cordero, Jr. sa tungang gabii sa Purok Waling-Waling, sa Barangay Wilfredo Aquino sa Agdao.
Nasayran nga gikan sa inila nga pamilya sa Catalunan, Grande si Cordero, kinsa nakuha-an ug upat ka sachet a shabu ug buy-bust money.
Gipanghimakak ni Cordero nga iyang ang na-recover nga illegal nga druga. Sunog nga nadakpan mao ang usa ka Justin Catogan, sa Barrio Obrerro kaganinang kaadlawon.
Aminado si Catogan nga nagapamaligya ug illegal nga druga, apan sumala pa niya nga bag-o pa lamang siya sa nahisgutan nga kalihukan.
Sumala pa kang Police Chief Inspector Hamlet Lerios nga nasakpan nila ang illegal nga buhat sa mga dinakpan gumikan sa impormasyon nga gipadangat kanila sa kapitan sa barangay.
Kasong kalapasan sa Republic Act 9165 Comprehensive Dangerous Drug Act of 2002 ang atubangon sa mga dinakpan.
