Duha ka indibidwal ang nasikop sa buy-bust operation sa mga otoridad sa Bajada, Davao City niadtong Sabado, Agosto 8, 2026, ug anaa na karon sa kustodiya sa Police Station 18-Bajada.
Giila ang mga suspek sa alyas “Bata,” 25 anyos, ulitawo, ug alyas “Kharlyn,” 20 anyos, nga pulos residente sa Davao City.
Gipahigayon ang operasyon pinaagi sa koordinasyon sa mga personnel sa Police Station 18-Bajada ug Philippine Drug Enforcement Agency o PDEA XI-Davao City Office isip kabahin sa ilang operasyon batok sa ilegal nga droga.
Nasakmit gikan sa mga suspek ang gituohang shabu nga adunay gibanabanang Standard Drug Price nga 187,000 pesos.
Human sa operasyon, gidala ang duha ka suspek ngadto sa Police Station 18-Bajada diin anaa sila karon sa kustodiya sa kapulisan.
Atubangon sa mga suspek ang kaso tungod sa giingong paglapas sa Republic Act 9165 o Comprehensive Dangerous Drugs Act of 2002.
Gipadayon usab sa mga otoridad ang pagproseso sa mga nakumpiskang ebidensiya isip kabahin sa pagpasaka sa tukmang kaso batok sa duha ka dinakpan.
