DAVAO CITY – Miabot na karong adlawa pasado alas 6 sa buntag ang dugang nga 62,400 doses sa Sinovac vaccines sakay sa PAL flight PR1009 nga nitugpa sa Davao International Airport.
Kahinumdoman nga pipila na sab ka hugna nga bakuna ang miabot sa syudad alang sa vaccination rollout batok Covid-19. Gibutyag sa Department of Health XI nga ang maong mga bakuna kini i alang sa mga senior citizen.
Una ng gibutyag sa ahensya nga lakip ang senior citizen ang anaa sa listahan sa mga prayoridad nga mabakunahan.
Kahinumdoman nga sa milabay’ng semana, gisugdan na ang vaccination rollout sa mga senior citizen sa syudad.
Padayon nga nanawagan ang mga otoridad sa mga senior citizen nga pahimuslan ang mahinungdanon nga pagbakuna aron mapanalipdan ang kaugalingon batok Covid-19. Una na sab gitino sa DOH XI nga luwas ang mga bakuna gumikan nga dili angay mabalaka.
