DAVAO CITY – Balhug na sa San Pedro PNP ang usa ka Michael Pesision Puno, 42 anyos, menyo, wala’y trabaho residente sa Apitong St., SMS Phase III, Bangkal ning dakbayan sa Davao.
Gidakop ang nahisgutan atol sa gilusad nga buy bust operation sa mga tinugyanan sa balaod.
Nasayran nga mga alas 3:00 ang takna kaganinang ka-adlawon sa dihang gilusad sa kapolisan ang buy-bust operation sa nahisgutan nga dapit.
Napalitan ang dinakpan ug illegal nga druga sa usa ka poseur buyer nga sakop sa kapolisan dihang mitunol kini ug sachet sa illegal nga druga bugti ngadto sa usa ka libo ka pesos nga mark money.
Dali nga gidakop sa kapolisan sa San Pedro PNP ang nahisgutan suspetsadong drug pusher.
Nasakmit gikan sa psosisyon sa dinakpan ang lain pang pakete sa shabu ug drug paraphernalia.
Gihikay na ang kasong kalapasan sa Republic Act 9165 kon Comprehensive Dangerous Drug act of 2002.
