Gipakusog sa Department of Health ang nationwide monitoring sa leptospirosis cases human sa padayong kusog nga ulan ug pagbaha sa nagkalain-laing bahin sa nasod.
Matod sa DOH, 33 ka fast lanes ang gi-activate aron mas paspas maatiman ang mga pasyente, samtang ginadumala usab ang bed capacities sa mga ospital.
Hangtod Agosto 22, mikabat sa 4,285 ang total leptospirosis cases sa tibuok nasod, 37 porsyento nga mas ubos kumpara sa 6,839 cases sa samang panahon niadtong 2025.
Apan adunay bag-ong pagsaka, diin 495 ka kaso ang natala gikan Hulyo 26 hangtod Agosto 8, 29 porsyento nga mas taas kumpara sa miaging duha ka semana.
Lakip sa adunay pinakadaghang kaso ang NCR, Cagayan Valley ug Central Luzon.
Gipasidaan sa DOH nga posible pang mosaka ang kaso tungod sa five-to-15-day incubation period.
Sa pagkakaron, giawhag ang mga nakalusong sa baha nga magpakonsulta sulod sa 24 hangtod 48 oras, samtang sakop sa Zero Balance Billing ug PhilHealth packages ang kwalipikadong severe cases.| VIA BOMBO EROS PAJOTA
