Giklaro ni Defense Secretary Gilberto Teodoro Jr. nga dili pagpangita og away o komprontasyon batok sa China ang pagbarog sa Pilipinas alang sa iyang mga katungod sa West Philippine Sea (WPS).
Sa pakighinabi kaniya sa Cebu City kaniadtong Miyerkules, Nobyembre 12, 2026 matod niini nga walay tuyo ang nasod nga makig-away, apan dili usab kini mouyon nga pasagdan lamang ang mga katungod niini.Dugang pa niya, walay angay nga ikompromiso kon ang gibarugan mao ang pagsunod sa balaod ug ang kaugmaon sa sunod nga henerasyon sa mga Pilipino.
Sama niini ang gipahayag kaniadto ni Armed Forces of the Philippines spokesperson for the WPS Rear Admiral Roy Vincent Trinidad, kinsa miingon nga nanindigan lamang ang Pilipinas sa iyang maritime entitlements, soberanya ug sovereign rights.
Tumong usab sa Department of National Defense ug AFP nga masiguro nga mapanunod sa umaabot nga henerasyon ang usa ka bug-os ug gawasnong nasod, lakip ang mga katungod sa Pilipinas sulod sa iyang exclusive economic zone o EEZ.
