DAVAO CITY – Gikompirma sa CSSDO nga adunay pipila ka mga tawo ang mipahimulos sa pagpang-hatag ug relief goods ngadto sa mga biktima sa bagyong Vinta sa dakbayan sa dabaw.
Sumala pa ni Norman Baloro, officer-in-charge sa CSSDO sa Buhangin District, na adunay pipila ka mga biktima sa pagbaha ang nagdumili sa pakig-kooperar ngadto kanila.
Hinuon, gipaniguro ni Baloro nga hugtanon nilang ginamonitor ang pipila ka mga indibiduwal nga dili apektado sa baha, apan nagpaka-aron ingnon nga mga biktima aron lamang makakuha ug financial assistance gikan sa kagamhanan.
Aduna usab sumala pa pipila ka mga apektadong residente, gahi ug mga ulo ug dili gayud mosunod nga simpleng instructions ngadto kanila.
Gitin-aw sa CSSDO, angayang usa lamang ka pangalan sa matag pamilya ang isulat sa listahan sa mga benepisyaryo apan ang uban susamang gisulat ang pangalan sa asawa ug bana.
Tungod niini, kinahanglan pang mopahigayon ang CSSDO ug house-to-house validation aron dili magka-doble doble ang madawat sa usaka pamilya.
Nakadawat sumala pa ang CSSDO ug 8 mil nga request alang sa food ug financial assistance, apan atol sa house-to-house validation, kuwatro mil lamang ka mga tag-balay ang kompirmadong mga eligible recipients.
