DAVAO CITY – Nangandam na karon ang pamunoan sa Davao International Airport sa posibleng pagpadayon sa ilang operasyon sa mosunod nga semana.
Una ng gibutyag ni Rex Obcena, manager sa DIA, nga Hunyo 8 ang hangyo si Davao City Mayor Inday Sara Duterte nga ibalik ang flight dinhi sa siyudad apan kinahanglan pa nila nga hulaton ang mamahimong desisyon sa ilang head office.
Aduna sab silay kinahanglan nga ihan-ay aron masiguro ang kaluwasan sa panglawas dili lamang sa mga pasahero kung dili lakip na sab sa mga personahe sa tugpahanan.
Samtang buot karon ni Davao City Mayor Inday Sara Duterte-Carpio nga ipailalom na daan ang mga pasahero nga mouli sa siyudad sa covid-test samtang anaa pa didto sa kaulohan.
Tumong niini nga kung magpositibo ang mga nahisgutan pugngan na kini nga makasakay sa eroplano.
