Gipasalig sa Department of Foreign Affrairs (DFA) nga ang pagbiyahe sa mga barko o pinaagi sa Strait of Hormuz magpabili nga luwas ug padayon bisan pa nga nagktaas ang tensyon sa tali Estados Unidos ug Iran human sa giingong plano nga naval blockade ni US President Donald Trump.
Sumala pa sa DFA, padayon nila nga ginabantayan ang sitwasyon sa maong estrahetikong dalan sa kadagatan nga importante kaayo sa kalibutanong suplay sa lana ug gas. Giingon sab sa ahensiya nga walay direktang hulga sa mga komersyal nga barko nga moagi sa maong lugar, apan nag-awhag gihapon ang mga Filipino seafarers ug shipping companies nga mag-amping ug mosunod sa mga travel advisories.
Ang Strait of Hormuz usa ka krititkal nga agianan sa kadagatan nga nagkonektar sa Persian Gulf ug Dagat Oman, ug dinhi moagi ang dakong porsyento sa global oil supply. Bisan pa sa tensyon, gisubli sa DFA nga ang internasyonal nga shipping routes kinahanglan magpabilin nga abre ug dili maapektohan sa politikal nga panagbangi.
Sa miaging adlaw, gipahibalo sab ni Trump ang posibleng pagpatuman sa blockade batok sa Iran human mapakyas ang peace talks, nga misamot sa kahadlok sa posibleng epekto sa presyo sa lana sa global trade.
Sa pagkakaron, nagpabilin nga naka-alerto ang mga ahensya sa Pilipinas samtang nagpadayon ang sitwasyon sa tungang sidlakan.
