Nagpabilin ang Department of Education o DepEd nga makadawat sa pinakadakong alokasyon sa proposed 2027 National Expenditure Program nga mokabat sa P976 bilyon.
Pormal nang giturn-over sa Department of Budget and Management o DBM ngadto sa House of Representatives ang P7.2 trilyong proposed national budget alang sa 2027 kagahapon Martes, Agosto 11, 2026.
Sumala pa, gisundan ang DepEd sa Department of Public Works and Highways o DPWH nga adunay P644 bilyon, samtang P353.8 bilyon ang alang sa sektor sa panglawas.
Lakip sa dagkong alokasyon ang P332.5 bilyon alang sa Department of the Interior and Local Government, P328.8 bilyon sa Department of National Defense, ug P302.2 bilyon sa sektor sa transportasyon.
Dugang pa, P261.7 bilyon ang alang sa agrikultura, P241.6 bilyon sa social welfare, P176.5 bilyon sa higher education, ug P86.3 bilyon alang sa Judiciary.
Sa kasamtangan, moagi pa sa deliberasyon sa Kongreso ang proposed 2027 national budget sa dili pa kini mahimong pinal nga General Appropriations Act.
