Gipahigayon sa Department of Environment and Natural Resources–Environmental Management Bureau Region XI ang ikalimang DENR Express Permitting on Wheels niadtong Agosto 20 sa Gaisano Mall of Tagum, Davao del Norte.
Gipangulohan ni Regional Director EnP. Alnulfo Alvarez ang kalihukan nga gitumong sa pagduol sa environmental permitting ug regulatory services ngadto sa publiko.
Dugang pa, gitabangan sa DENR-EMB XI ang mga aplikante sa Environmental Compliance Certificate, Certificate of Non-Coverage, Permit to Operate, Discharge Permit, Hazardous Waste Generator Registration, Permit-to-Transport Registration ug Pollution Control Officer Accreditation.
Lakip usab sa serbisyo ang technical assistance sa Self-Monitoring Reports ug Compliance Monitoring Reports.
Matod pa sa ahensya, nagpahigayon usab og technical conferences alang sa mga kompanyang adunay Notices of Violation aron matuki ang ilang compliance concerns ug angay nga corrective actions.
Sa pagkakaron, padayon ang Permitting on Wheels isip pamaagi sa DENR-EMB XI aron mapaspas ang serbisyo, mapalig-on ang environmental compliance ug mas ma-access sa mga kliyente ang teknikal nga giya ug permitting assistance sa rehiyon.| VIA BOMBO EROS PAJOTA
