Misaka na sa 31 ang gidaghanon sa namatay tungod sa hiniusang epekto sa Tropical Cyclones Luis, Maymay ug Neneng, lakip ang Southwest Monsoon kon Habagat, sumala sa Office of Civil Defense.
Hangtod alas-6 sa buntag karong Miyerkules, Agosto 26, 2026 nakarekord usab ang OCD og 19 ka nasamdan ug tulo ka missing tungod sa nagkalain-laing weather-related incidents.
Labing daghan ang fatalities sa Benguet nga adunay 15, lakip ang 10 sa Baguio City, duha sa La Trinidad ug tulo sa Atok, nga nalambigit sa landslides.
Narekord usab ang upat ka namatay matag usa sa Rizal ug Batangas, samtang adunay ubang fatalities sa Occidental Mindoro, La Union, Quezon City, Oriental Mindoro, Negros Occidental ug Caloocan.
Dugang pa, mikabat na sa 7.7 milyon ka tawo o 2.2 milyon ka pamilya ang naapektuhan, samtang 28,910 ka indibidwal ang nagpabilin sa 346 evacuation centers.
Miabot sa ₱5.5 bilyon ang kadaot sa imprastraktura ug ₱1.9 bilyon sa agrikultura, samtang mga 2,700 ka balay ang nadaot.
Sa pagkakaron, 104 ka syudad ug munisipalidad ang ubos sa state of calamity, samtang ₱1.42 bilyon na nga assistance ang naipanghatag sa gobyerno.
