DAVAO CITY – Walay natalang dagko nga mga insidente ang mga sakop sa Davao City Police Office (DCPO) atol sa paghinumdom sa semana santa sukad sa milabay nga adlaw.
Tungod sumala pa kini sa gipahugtan nga seguridad sa kapulisan bisan nga walay mga dagkong aktibidad ang mga katolikong simbahan sa siyudad gawas lamang sa santos nga misa.
Kalakip sab sa gibantayan sa otoridad ang mga checkpoint ug uban pang mga dapit nga sagad adtoan sa mga tawo.
Samtang gibantayag sab karon sa Police Regional Office (PRO)-11 ang mga beach resorts ug mga tourist destinations sa Davao region ilabi na nga hinay-hinay na sab nga giluagan karon sa uban nga lalawigan sa Davao region ang pagpasulod ug mga turista ingon man bisita.
Gibantayan sab karon sa Samal island diin ubay-ubay ang mga naka-booking sa mga beach resorts.
