DAVAO CITY – (UPDATE) Gipangandaman na karon sa Davao City Police office ang gikatakdang pagdala kang Abu Sayyaff Group leader Anduljihad “Idang” Susukan paingon sa metro manila.
Gikanayon ni Davao City Police Office (DCPO) Director Police Col Kirby John Kraft dili na i-presenta sa Davao Media si Susukan gumikan kay unsa mang orasa karong adlawa dalaon na kini sa kauluhan aron itunol ngadto sa Armed Forces of The Philippines (AFP) sa Camp Aguinaldo.
Gibutyag pa ni Kraft nga nia sa syudad sa Dabaw si Susukan alang sa pagpatambal sa iyang naputol nga walang kamot.
Human makompirma ang nadawat nila nga report nga ania sa syudad ang maong ASG leader, dali nilang gitunol ang 34 ka mga warrant of arrest niini sa iyang gipoy-an sa Yneguez Subd. Maa ning syudad nga gipanag-iyahan sumala pa ni MNLF founding chairman Nur Misuari.
Hinuon, wala mipakita ug pagsukol si Susukan sa mga arresting officer sanglit nagbaton na ug na-una nga negosasyon ang DCPO tali kang Misuari diin didto sumala pa unang mi-tahan sa iyang kaugalingon ang nahisgutang ASG leader.
Sa karon su Susukan ang nagpabilin pa sa kustodiya sa DCPO diin gipatuman ang hugot nga seguridad.
Samtang, gikanayon ni Kraft nga giimbestigahan na nila kung pa-unsa yanong makasulod laman sa syudad si Susukan, apan dako ang ilang pagtuo nga migamit kini ug lahi nga pangalan ug gi-usab ang iyang panagway aron dili maamtikdan sa kapulisan.
