Mihangyo ang kampo sa kanhi Presidente Rodrigo Roa Duterte (FPRRD) nga tugotan sila sa pag-apela batok sa desisyon sa Pre-Trial Chamber sa International Criminal Court (ICC) human makumpirma ang kaso batok kaniya.
Sa ilang gisumiter nga mosyon, giingon sa depensa nga ang desisyon sa Pre-Trial Chamber kinahanglan ipasubli kay dili matud pa klaro ug kulang sa detalye ang mga alegasyon nga gipresentar batok sa kanhi presidente.
Giingon usab nila nga adunay kakulangan sa pagpasabot ug pagpresentar sa mga ebidensya.
Bisan pa niini, gipaklaro sa ICC nga ang desisyon kung dawaton ba ang maong apela nga anaa sa mga maghuhukom sa korte.
Sa karon, naghulat pa ang tanang partido sa sunod nga lakang sa ICC, lakip na ang posibleng pagpadayon sa kaso padulong sa trial stage.
