DAVAO CITY – Gikatakda na nga ipailalom sa rehabilitasyon ang Davao City Overland Transport Terminal (DCOTT) kini human nga gi-aprubahan na ang hangyo nga pundo niini sa ahensiya sa City Engineer’s Office (CEO).
Kahinumduman nga usa ang DCOTT sa mga establisyemento nga iya sa kagamhanan sa mga nalakip nga delikado na sa higayon nga masinatian ang mga kusog nga pagtay-og.
Sumala pa kang Engr. Joseph Dominic Felizarta, OIC head sa CEO, nasumite na nila ang pundo alang sa pagkumpuni sa terminal ngadto sa City Mayor’s Office hinungdan nga posibleng ipatuman gilayon ang pag-repair sa DCOTT aron masiguro ang kaluwasan sa mga pasahero ug malikayan ang disgrasya.
Nasayran sab kang Felizarta nga kaabag sumala pa ang mga personahe sa City Transport and Traffic Management Office (CTTMO) sa pag-repair sa terminal diin ang mga nahisgutan mismo ang mo-welding sa mga nadaut nga poste.
