DAVAO CITY – Nagpadangat sab sa ilang pahasubo ang mga konsehal ning dakbayan sa pagpanaw ni kanhi congressman ug House speaker Prospero Nograles.
Kahinumduman nga nangatungdanan ang opisyal isip kongresista sa halos usa ka dekada hinungdan nga nagpahayag ang kagawad sa mga nahimong kontribusyon niini dili lamang sa siyudad kung dili sa tibuok nasod.
Sumala kang konsehal Mabel Sunga Acosta gitawag niya nga usa sa mga “political stalwarts” si Boy Nograles sa kasaysayan sa dakbayan ug sa nasod.
Sa bahin ni konsehal Bonifacio militar, dakong kawad-on ang usa ka utokan ug maayo nga public servant.
Nagpadangat sab sa iyang pahasubo ni konsehal Diosdado Mahipus diin iyang giila nga usa ka suod nga higala ang mipanaw nga opisyal ingon man sila si Konsehal Danilo Dayanghirang ug Konsehal Myrna Dalodo-Ortiz.
