DAVAO CITY – Gikanayon ni Davao City Mayor Sara Duterte nga wala siyay nadawat nga report nga duna pa gihapoy mga katawhan sa syudad nga nagapanic buying sa mga panaliton diha sa mga grocery ug supermarket.
Sumala sa mayor nga nawagtang na kini nga panghuna-huna sa mga Dabawenyo gumikan kay wala na sumala pay nagapakatag ug mga sayop nga impormasyon nga maoy makamugna sa kalisang sa mga katawhan.
Apan duna gihapoy sumala pa mga lugar sa dakbayan nga padayon sa ginadagsa sa publiko ug wala na natuman ang social distancing.
Giila sa mayor ang maong mga lugar nga wala natuman ang social distancing, kini mao ang Calinan Proper, Toril Proper ug Tibungco.
Gi-angkon usab mi Mayor Inday nga dakong hagit nila karon ang mga nahisgutang area sa pagpatuman sa social distancing sa mga katawhan gumikan daw pipila niini wala nila nasambtan ug ba kaha wala gisabot ang mga kamanduan sa syudad.
Apan gisabot usab sa mayor ang sitwasyon sa mga lugar kung asa nahimutang usab niini ang mga public markets ug uban pang commercial establishments sama sa mga bugasan, gabaligya og feeds, kwarta padala, pawnshop, ug banko.
Pahugtan na sumala pa karon sa mayor ang pag-implementar sa social distancing ug hugtan usab ang si kinsa o kanus-a lamang mogawas sa mga panimalay.
Gipasabot usab sa mayor, nga trabaho nila ang pag-implementar sa mga protocol ug kamanduan aron makontrola ang lihok sa mga tao, samtang trabaho usab sumala pa sa mga doktor ug mga medical professionals sa pag-atiman ug pag-ayo sa mga nataptan sa maong virus kung diin kung padayon sumala pa ang pagdaghan sa mga pasyente ang ma-admit sa ospital ug sa mga PUI Centers, buot ipasabot dili sumala pa epektibo o huyang ang mga protocol nga gipatuman sa syudad.
