Gipasaka ni Acting Mayor Sebastian “Baste” Duterte ang daghang kasong kriminal batok sa pipila ka opisyal sa gabinete, mga heneral sa kapulisan, ug uban pang personalidad sa gobyerno, nga may kalabotan sa giingong ilegal nga binuhatan kontra sa walo ka indibidwal.
Gilangkoban sa mga kaso mao ang Kidnapping (8 counts) ubos sa Article 267 sa Revised Penal Code, Arbitrary Detention (8 counts) ubos sa Article 124, paglapas sa Republic Act No. 9745 (Anti-Torture Act), Qualified Direct Assault (Art. 148), Expulsion (Art. 127), ug Violation of R.A. 7438 (2 counts).
Giapil usab ang mga akusasyon sa Usurpation of Judicial Functions (Art. 241) ug sa paglapas sa Anti-Graft and Corrupt Practices Act (R.A. 3019), partikular sa Section 3(a) ug Section 3(e).
Gingalan sa reklamo sila Interior Secretary Juan Victor “Jonvic” Remulla, Defense Secretary Gilbert Teodoro, National Security Adviser Eduardo Año, Justice Secretary Jesus Crispin Remulla, Undersecretary Nicholas Elix Ty, PNP Chief Gen. Rommel Marbil, ug NCRPO Chief Gen. Nicolas Torre III, uban pa.
Samtang sa karun, ginapaabot pa ang tubag sa mga hingtungdan nga opisyal samtang nagpadayon ang proseso sa kaso.
