DAVAO CITY – Human nga natala ang unang kaso sa nagpositibo sa Covid-19 sa Davao region partikular na sa Davao de Oro, gipahugtan pa karon sa dakbayan sa Davao ug kasikbit nga lalawigan ang pagpatuman ug mga sumbanan aron lamang masiguro ang kaluwasan sa katawhan batok pagkuyanap sa nahisghutan nga balatian.
Una ng nagpatuman ang dakbayan sa Tagum ug dakbayan sa Davao ug partial lockdown aron nga susama nga mapanalipdan ang mga residente nga nanimuyo sa susamang siyudad batok pagkuyanap sa virus.
Dinhi sa siyudad sa Davao ipatuman ang partial lockdown sa Lasang Checkpoint diin ang tanan nga mga sakyanan mapa-pribado o pampubliko man ang dili una tugtan nga makasulod sa Davao.
Tanan sumala pa nga mga sakyanan nga gikan Tagum ug paingon sa dakbayan sa Davao ang ubanan hangtud nga maabot kini sa ilang destinasyon apan ipatuman lamang kini 24 oras gikan sa pagpagula sa EO.
Gi-require niini ang valid-ID.
Sa higayon nga molabay na ang 24 oras sukad nga gipagulan ang EO, wala nay sakyanan mapa-pribado ug mapa-pampubliko ang tugutan nga mosulod sa Davao.
Ipahigayon ang inspeksiyon sa ID sa mga indibidwal nga residente sa Davao apan mouli sa kasikbit nga siyudad.
Apan kung ang trabahante nanimuyo sa Tagum ug nanarbaho dinhi sa Davao ang dili na tugtan nga makasulod.
Samtang ang mga delivery vehicles tugtan nga makasulod sa Davao apan kinahanglan nga dili kini biyaan sa driver ug helper samtang gihimo ang loading ug unloading sulod sa dakbayan.
Tugtan nga makasulod sa siyudad ang mga emergency vehicles.
Ipatuman ang road blocks human ang 24 oras sukad nga gipagula ang kamandoan.
Ang mga driver ug pasahero nga sakay sa “exempted vehicles” ang kinahanglan nga mopailalom sa temperature check ayha tugtan nga mosulod sa siyudad.
Tugtan sab nga makasulod sa siyudad kadtong mga pasyente nga mopailalom sa dialysis, chemotherapy, rehabilitation basta kay magdala ug pagpamatuod sama sa doctor’s request, medical certificate at iba pa.
