DAVAO CITY – Gipagawas karon sa lokal nga kagamhanan sa dakbayan sa Davao ang executive number 15 series of 2022 o ang kamanduan alang sa tanang mga lokal nga kandidato sa dakbayan nga magmugna ug ilang tagsa-tagsa ka mga team aron maoy manghipos sa ilang mga election paraphernalia sa May 10, 11 ug 12, 2022.
Na-una nang nanawagan ang city government sa local ug national candidates nga mamahimong responsable sa pagsiguro nga ang ilang mga campaign materials angayang i-disposed ug tukmang madumala human sa election say sanglit dili na usab nila kini mapahimuslan.
Gipasabot sa lokal nga kagamhanan nga angayang segurduhon sa mga kandidato nga masunod ang tukmang pagpanghipos sa mga campaign materials aron malikayan nga makadugang sa mas pag-daghan pa sa mga basura sa syudad ug aron i-promotar ang epektibong paglabay sa mga basura sa syudad.
Kinahanglan nga ang tanang mga election paraphernalia nga mahipos atol sa 3 ka adlaw nga clean up drive ang dili ilabay sa mga garbage bins ug collection point.
Kinahanglan sab nga i-recycle sa mga team o kaha ihatud sa recycling center ang tanang mga campaign materials.
