Gipalig-on sa City Government of Davao ang psychosocial support alang sa mga estudyanteng nanginahanglan og dugang nga tabang human sa mga bag-ong insidente sa school violence sa mga silingang lugar.
Kauban sa programa ang City Social Welfare and Development Office ug Department of Education aron matabangan ang mga tinun-an nga nakasinati og kahadlok, kabalaka ug ubang psychosocial concerns.
Dugang pa, gipangulohan sa DepEd ang psychosocial support services, samtang nag-andam usab ang CSWDO og team nga mahimong motabang sa debriefing ug uban pang interventions alang sa mga apektadong estudyante.
Lakip sa tumong sa programa ang pagpanalipod sa mental ug emotional well-being sa mga tinun-an samtang gipakusog usab ang school safety measures.
Matod pa sa lokal nga panggamhanan, importante nga sayo nga mahatagan og suporta ang mga kabataan nga nagkinahanglan niini.
Sa pagkakaron, giawhag ang mga estudyante nga moduol sa ilang magtutudlo, adviser, guidance counselor o social worker aron makadawat dayon sa hustong tabang ug referral kung gikinahanglan.| VIA BOMBO EROS PAJOTA
