DAVAO CITY – Gipahimangnoan karon sa usa ka opisyal sa ahensiya ning dakbayan ang mga residente ilabi na kadtong nanimuyo sa mga kasapaan o mga dapit nga sagad makasinate ug mga pagbaha nga mas maayong magpatuman ug kabag-ohan sa ilang mga panimalay.
Sumala pa kang Engr. Ivan Cortez, City Planning and Development Office (CPDO) officer-in-charge, nga tungod sa nasinatian nga mga pag-ulan angayan nga ikonsidera sa mga residente ilabi na kadtong anaa sa mga flood prone areas nga himuon na lamang nga commercial areas ang ground sa mga panimalay ug ibalhin ang main living quarters sa mas taas nga bahin.
Apan kung dili sumala pa kini epektibo, adunay ginatanyag ang lokal nga kagamhanan nga resettlement site alang sa mga nanimuyo sa disaster-prone areas.
Gikatakda sumala pa nga magpagula ang CPDO ug data nga maayo alang sa housing opportunities sa mga residente.
Sa higayon nga biyaan na ang mga disaster-prone areas, himuon kini sa lokal nga kagamhanan isip recreational parks ug uban pang green spaces.
Sa milabay nga tuig, anaa sa PHP2 billion worth sa investments ang gigahin alang sa mga nagkadaiyang infrastructure projects arun nga masolusyonan ang suliran sa pagbaha sa La Verna area usa sa 41 ka mga 41 flood-prone areas sa dakbayan.
Ang pundo gigahin alang sa completion sa PHP100 million pump house, PHP500 million sa construction sa retarding basin, PHP105 million alang sa pagpalambo sa La Verna Creek, ug PHP3 million alang sa rehabilitasyon sa drainage system.
Karung tuiga, ang proposed projects sa DPWH sa La Verna area ang gilangkuban sa PHP395 million drainage structure ug PHP340 million alang sa retarding basin.
Sa musunod nga tuig, susama nga flood-prone area ang laoman nga gahinan ug PHP300 million alang sa construction sa laing retarding basin ug PHP500 million alang sa pagpalambo sa creek.
Samtang gitataw sab ni Cortez nga ang Japan International Cooperation Agency (JICA) nagpadayag sab ug kagustuhan nga mupundo ug PHP507 million alang sa land acquisition ug compensation arun lamang mapalambo ang Sasa Creek drainage area.
Gikanayong ang Flood-control infrastructures ang giplanohan usab alang sa Davao River, Matina River, ug Lasang River, ingon man sa highly silted canals o creeks.
Sumala sa CPDO, ang hinungdan sa mga pagbaha mao ang kawad-on ug absorptive capacity, pagbara, karaan nga drainage systems ug ang dili tukma nga paglabay sa basura.
