Mibati ug kabalaka ang Commission On Elections District 1, kung ugaling dili mobiya sa mga polling precinct sa Barangay 23-C, Mini-Forest, Boulevard, ning dakbayan ang mga na demolish nga mga residente sa Salmonan, Barangay 26-C, Quezon Boulevard.
Sumala pa kang Atty. Marlon Casquijo sa Comelec District 1 wala na sila’y panahon nga mo-request pa ug lain nga tulongha-an nga mamahimong polling precinct gumikan kay karong Lunes na ang Barangay ug SK elections gumikan niini gibarugan ni Casquijo nga kinahanglan nga mapapahawa gayud sa polling precints ang mga na demolish aron nga dunay magamit ang Comelec alang sa unom ka mga clustered precincts o mga dos mil kapin ka mga botante.
Nagbahad si Casquijo nga kung dili mohawa sa polling precinct ang mga bakwit mo-deklara ang Comelec ug failure of election sa Barangay 23-C.
Una nang gipahayag sa mga Barangay Officials nga nagpa-abot lamang sila sa mamahimo nga kamandu-an sa Comelec nga papahawa-on na sa dapit ang mga bakwit ug nangita na sab sila ug kabalhinan sa mga nahisgutan.
Kapin baynte ka mga pamilya ang nag-okopa sa polling precincts nga gipahiluna sa Barangay Gym.
Hangyo sab sa mga anaa sa polling precinct nga tugtan sila nga magpabilin hangtud ugmang adlawa gumikan kay nangita pa sila ug kapoy-an.
