DAVAO CITY – Natunol na sa Employees’ Compensation Commission (ECC) ang cash assistance sa police officer nga samaron human ang nahitabong pinusilay tali sa usa ka pugante sa milabay nga Setyembre.
Nadawat na ni Cpl. Joel Villegas ang P10,000 cash assistance gikan ECC diin gihimo kini sa Police Regional Office 11 headquarters.
Ang nahisgutan nga hinabang gawas pa sa sickness benefits, medical reimbursement, ug P30,000 nga kantidad sa livelihood assistance gikan sa ECC.
Kahinumduman nga kaniadtong milabay nga Setyembre 14, miresponde si Villegas ug upat pa ka mga Bunawan police officers kalabot sa ilang nadawat nga impormasyon batok sa suspek nga nag-atubang ug kasong homicide nga nailang si Basilio Abrigoso na una ng nasiplatan sa Barangay Mahayag.
Kahinumduman nga mipakita ug pagsukol ang suspek ug nakigpinusilay sa mga pulis hinungdan nga nag-igo si Villegas sa nagkadaiyang parte sa iyang lawas.
Sa maong insidente, napatay sab sa kapulisan ang suspetsado.
Sumala pa kang Stella Zipagan-Banawis, ECC executive director, ang ginahatagan ug tabang pinansiyal ang biktima ilabi na kung anaa kini sa iyang trabaho kini base na sab sa mga ihatag nga benepisyo ilalom sa Employees’ Compensation Programs.
Una na sab nga nagpasalamat ni Col. Edgar Alan Okubo, PRO-11 deputy director, sa ECC sa assistance nga gihatag ngadto kang Villegas.
