Nahilakip ang Bombo Radyo Philippines nga anaa sa listahan sa napulo ka mga media outlet dinhi sa nasud Pilipinas nga adunay usa sa pinakataas nga trust rating dinhi sa nasud, kana subay sa gipahigayon sa 2024 Pahayag end of the Year survey, nga gisugdan sa niadtong bulan sa Nobyembre petsa 29, hangtod niadtong petsa 3 ning bulan sa Disyembre, tuig 2024.
Gikalipay sab kini sa mga personahe gikan sa Bombo Radyo Philippines, ang nahimong resulta sa maong survey, gumikan makita gayud nga walay lipod-lipod ang kinatibuk-ang pwersa sa Bombo Radyo nga muhatod og mga lab-as ug tinuod nga mga balita ngadto sa katawhan.
Nagpasalamat sab ang Bombo Radyo, ngadto sa mga suking tigpaminaw niini nga magpabilin nga maminaw og mag-atang sa mga balita nga angayan ra sab niining masayran sa katawhan.
Gikan sa kinatibuk-ang pwersa sa Bombo Radyo, kaming tanan muingon daghang salamat sa pagsalig, Basta Radyo Bombo!
