DAVAO CITY – Nagmalampuson ang Bureau of Customs (BOC), Port of Davao’s Customs Intelligence and Investigation Service (CIIS), ingon man Enforcement Security Service (ESS) ang ilang 4-day training ug workshop kung paunsa nila mapalig-og ang ilang kaayo kalabot sa Personnel and Border Security nga natapos bag-ohay lamang sulod sa BOC Davao compound.
Kalakip sa nahisgutan nga workshop ang refresher course kalabot security protocol ug tactical training partikular kung mahatagan ug proteksiyon ang convoys, relocation o evacuation sa staff intervention, ingon man pag-escort sa VIPs o public officials.
Highlight sab sa aktibidad ang firearms training and safety course arun nga mapalambo pa ang self-defense, ug field combat sa mga personahe sa ahensiya.
Ang maong pagbansay-bansay gipangunahan sab sa BOC’s Intelligence and Enforcement Group ug kabahin matud pa kini sa mandato ilalom sa Border Security and Protection.
Gipasalig sa ahensiya nga magpahigayon ug susama nga mga training arun nga mapalambo pa ang kaalam sa pantalan kalabot sa kapasidad ug pagmugna ug mga highly skilled employees.
