DAVAO CITY – Posible matud pa nga adunay indibidwal nga buot ipahimutang si President-elect Ferdinand Marcos Jr. nga maoy magdumala sa Department of Agriculture apan gumikan sa election ban, dili pa niya kini ma-appoint.
Lagmit ang maong indibidwal ang nagpapili sa nakalabay nga eleksyon apan napildi busa sunod tuig pa kini mamahimong ma-appoint.
Kini mismo ang panlantaw ni Prof. Ramon Beleno III, usa ka political analyst, atol sa pakighinabi kaniya sa Bombo Radyo Davao.
Gawas niini, gikanayon sab sa propesor nga nakita matud pa ni Marcos Jr. ang urgency sa food crisis diin posible kining makamugna og inflation.
Samtang sa pikas bahin, nagpahimangno usab si Beleno nga kinahanglan gayud mangandam ang katawhan aron nga makasugakod sa laumang krisis ilabi na nga dili pa matag-an kung kanus-a matapos ang giyera tali Ukraine ug Russia diin mao sab kini ang mga nasud nga nag-unang exporter sa trigo, fertilizer ug uban pa nga gikinahanglan sa halos tanang mga kanasuran.
Via || Allianne Ferandos Silao
