DAVAO CITY – Nagpatuman na sab karon ug hugtanon nga mga sumbanan ang mga dagkong palengke ning dakbayan ngadto sa ilang mga konsumante kini aron masiguro nga malikayan ang pagkuyanap sa Corona Virus Disease (Covid-19).
Usa sa nagpatuman karon ug “No mask, No Entry” policy mao ang Bankerohan Public Market diin tumong niini nga makontrola nila ang mga tawo nga mosulod sa palengke.
Pinaagi sumala pa sa nahisgutan nga lakang, malikayan ang pagdasok sa mga tawo ug hugtanon nga mapatuman ang social distancing.
Pinaagi sa maong polisiya, laoman sumala pa nga taas-taas na nga proseso ang agi-an sa mga konsumante hinungdan nga nagpahimangno ang otoridad nga mas maayong usa lamang ang mamalengke ug dili na magkuyog ug kauban aron nga malikayan ang paghuot.
Subay sumala pa sa kamandoan ni Mayor Inday, kinahanglan nga magpatuman ang mga palengke ug usa lamang ka entrance ug exit ug sirad-an ang uban nga mga agi-anan.
Gawas sa bankerohan, gisugdan na sab karon ang “No mask, No entry” policy sa Agdao public market.
