Balaudnon nga pagsuspendi sa excise tax sa petrolyo, gipasa na sa Office of the President – Sen. Pres. Sotto

Napasa na sa Office of the President ang usa ka sugyot balaodnon nga nagtumong sa pag-suspinde o pagkunhod sa excise tax sa lana ug ang pagpadaplin pag-usab sa eleksyon sa Bangsamoro Autonomous Region in Muslim Mindanao o BARMM.

Gikumpirma ni Sen. Pres. Vicente Sotto III nga napadala na sa Malacañang ang maong sugyot.

Una nang gipirmahan ni Speaker Faustino Dy III ang sugyot balaudnon nga nagtumong sa pagpakunhod o pagsuspinde sa pagkolekta sa excise tax sa mga produktong petrolyo.

Naglaum si Sotto nga mapirmahan kini sa Presidente aron maminusan ang kabug-at sa gasto sa mga motorista tungod sa padayon nga pagsaka sa presyo sa lana.