Wala pa halos panahon nga makapahulay si Alex Eala human sa taas ug hago nga kampanya sa Canadian Open, tungod kay sunod na niyang atubangon ang Cincinnati Open sa Ohio, Estados Unidos.
Human sa iyang pagkapildi kang Belinda Bencic sa Round of 16 sa Toronto niadtong Lunes, Agosto 10, gilauman nga mubo lamang ang panahon sa pagpahulay ni Eala sa dili pa mobalik sa korte.
Matud ni Eala, mogahin siya og usa o duha ka adlaw alang sa pagpahulay, pagbiyahe ug gamay nga panahon uban sa mga higala sa Cincinnati.
Gusto usab niya nga makahatag og panahon sa iyang kaugalingon sama sa pagpapa-haircut ug uban pang gagmay nga butang aron makapahuway sa hunahuna gikan sa tennis.
Mas sayon usab ang iyang pagsugod sa Cincinnati Open tungod kay isip World No. 20, seeded player na siya ug makadawat og first-round bye.
Bisan kapoy, positibo gihapon si Eala human sa iyang lig-on nga duha ka semana, diin nakadaog siya sa iyang unang WTA title sa Washington ug pito ka sunod-sunod nga duwa.
Gilauman niyang dad-on ang mga leksyon gikan sa Toronto ngadto sa Cincinnati ug sa sunod pa niyang kampanya sa New York. | VIA BOMBO EROS PAJOTA
