Misaka sa bag-ong career-high ranking nga World No. 18 si Filipina tennis star Alex Eala sa pinakabag-ong WTA rankings nga gipagawas karong Lunes.
Nisaka og duha ka pwesto si Eala human sa iyang kampanya sa Cincinnati Open, diin nakaabot siya sa third round sa wala pa mapildi kang American World No. 10 Amanda Anisimova.
Dugang pa, dala sa 21-anyos nga Filipina ang maayong momentum gikan sa iyang Round of 16 finish sa Canadian Open ug sa iyang unang WTA 500 title sa DC Open.
Gipaabot nga dako ang mahatag sa ranking boost sa iyang pakigbatok sa US Open sa New York, diin ikaduha na niyang higayon nga mosulod sa main draw sa season-ending Grand Slam.
Lakip usab sa iyang kampanya ang mixed doubles kauban si Canadian World No. 4 Felix Auger-Aliassime.
Sa pagkakaron, anaa na si Eala sa New York ug padayon ang iyang pagpangandam alang sa US Open, samtang gipaabot ang kusog nga suporta sa Filipino fans. | VIA BOMBO EROS PAJOTA
