DAVAO CITY – Gidagsa gihapon sa daghanang mga tawo ang buhatan sa Department of Social Welfare and Development XI – Davao Field Office karong buntaga alang sa pagsumite sa ilang mga requirements sa Educational Assistance ilalom sa programang Assistance to Individual in Crisis Situation (AICS).
Kini taliwala pa man nga una nang nagpahibalo ang maong ahensiya nga suspendihon usa ang pagdawat og mga aplikasyon aron mahatagan og higayon ang tanan ilabi na ang mga mas nanginahanglan. Apan ubay-ubay gihapon ang mga nangadto diin miabot ang linya sa mga aplikante sa BFAR XI sa pagpamasin nga dawaton pa kini. Daghan sa mga nangadto ang mireklamo ug nagpagawas sa ilang gibati tungod buntag sayo pa sila naglinya ug gikabalak-an usab nila ang mga tiguwang ug mga buntis tungod uban niini wala pay kaon.
Sa kadugayon sa paghulat mahitungod na usab sa kasaba sa mga tawo, miisplikar ang usa ka empleyado sa maong ahensiya nga ipanghulog na lamang ilang dokumento apan wala kini kasiguraduhan nga matext dayon diin buot usa unahon og proseso ang mga nauna nga mga dokumento.
