Giduso sa Department of Energy (DOE) ang paghimo sa lalawigan sa Batangas isip posibleng bag-ong sentro sa artificial intelligence (AI) ug hyperscale data centers sa nasud.
Gibase kini sa kapin 5,000 megawatts (MW) nga natural gas capacity sa lalawigan, lakip ang 4,552.9 MW nga dependable capacity, nga naghimo niini nga usa sa pinakadakong sentro sa power generation sa Pilipinas.
Sumala sa DOE, bentaha sa Batangas ang pagkaduol niini sa mga planta sa kuryente tungod kay mas sayon ug paspas ang pagkuha og lig-on nga suplay sa enerhiya nga gikinahanglan sa operasyon sa mga data center.
Aron madani ang mga mamumuhunan, gisugyot sa buhatan ang pagtukod og mga espesipikong data center zones sulod sa mga economic estate sa probinsya.
Lakip usab sa mga lakang ang paghatag og pre-approved environmental ug electrical clearances, pagsiguro sa backup power connections ug pag-andam sa imprastraktura aron mapadali ang pagsugod sa operasyon sa mga data center.











