Gilaglag sa Bureau of Customs Manila International Container Port (BOC-MICP) ang lima ka container sa mga smuggled nga sigarilyo ug uga nga dahon sa tabako nga nagkantidad og 179.03 milyong pesos sa Porac, Pampanga.
Gipahigayon ang operasyon sa paglaglag sa mga kontrabando gikan niadtong Setyembre 30 hangtod Oktubre 2, 2026.
Lakip sa gilaglag ang upat ka container sa sigarilyo ug usa ka container sa uga nga tabako.
Nasakmit ang maong mga produkto human sa inspeksiyon niadtong Oktubre 8, tungod sa mga paglapas sa Graphic Health Warnings Law, TRAIN Law, ug Customs Modernization and Tariff Act o CMTA.
Matod ni Customs Commissioner Ariel F. Nepomuceno, importante nga masiguro nga dili na makabalik sa merkado ang mga kontrabando aron mapanalipdan ang panglawas sa publiko, kita sa gobyerno, ug mga lehitimong negosyo.
Samtang, gipasiugda ni MICP District Collector Atty. Felipe Geoffrey K. De Vera IV ang kamahinungdanon sa pagsunod sa legal nga mga proseso sa paglaglag sa mga nakumpiskang produkto.
