Gilimod ni impeachment court spokesperson Atty. Regie Tongol ang mga pahayag nga dili welcome sa impeachment trial batok kang Vice President Sara Duterte si kanhing senador Antonio “Sonny” Trillanes IV.
Matud ni Tongol, nangayo ang House prosecution panel og mga subpoena alang sa pipila ka mga saksi, apan wala gilakip ni prosecutor Terry Ridon si Trillanes sa mga testigong giplanong ipaatubang kaniadtong nakalabayng adlaw.
Nahiuyon ang kahimtang human giingon sa prosecution nga mahimong motestigo si Trillanes kaniadtong Miyerkules,Septyembre 30, 2026 apan wala na kunoy igong panahon aron makapagawas og subpoena alang sa sunod nga adlaw.
Bisan pa niini, giingnan sa korte nga mamahimo gihapon motungha si Trillanes isip boluntaryong saksi bisan walay subpoena.
Gitan-aw usab sa presiding officer ang timing sa iyang testimonya tungod kay gilauman siyang motumbok sa mga bank records nga wala pa kaniadto maipresentar sa impeachment court.
Pasiugda ni Tongol nga mahimo gihapon ipatawag sa prosecution si Trillanes kung importante sa kaso ang mga ebidensyang iyang gikuptan.
Nagpabilin usab ang kanhing senador isip common witness sa prosecution ug depensa, busa posible gihapon siyang ipatawag sa bahin sa depensa kung gikinahanglan sa ilang presentasyon.
