Giturn-over sa komunidad ngadto sa nagkalain-laing units sa Davao Occidental Police Provincial Office o Davao OCC Police ang pito ka walay lisensyang armas niadtong Septiyembre 27, 2024.
Lakip sa mga armas ang usa ka 12-gauge rifle nga gitugyan ngadto sa 2nd DOcPMFC ug usa ka 12-gauge homemade shotgun nga gidawat sa 1st DOcPMFC.
Giturn-over usab ang usa ka homemade improvised shotgun ngadto sa Sarangani Municipal Police Station, usa ka homemade surit-surit ngadto sa Don Marcelino MPS ug usa ka improvised 12-gauge shotgun ngadto sa Jose Abad Santos MPS.
Nadawat usab sa Sta. Maria MPS ang usa ka improvised shotgun, samtang usa pa ka homemade surit-surit ang gitugyan ngadto sa Malita MPS.
Gipanghimatuud nga boluntaryo ang pagturn-over sa mga armas ngadto sa kapulisan isip kabahin sa kooperasyon sa komunidad aron mapugngan ang pagkaylap sa mga walay lisensyang armas.
Gipalig-on usab pinaagi sa maong lakang ang koordinasyon tali sa kapulisan ug mga residente sa pagmintinar sa kalinaw ug kaluwasan sa matag komunidad.
Gipasiugda nga ang paghatag sa mga armas ngadto sa kapulisan makatabang sa mga paningkamot batok sa posibleng paggamit niini sa mga krimen ug uban pang paglapas sa balaod.
Gipadayon sa Davao Occidental Police Provincial Office ang pakigtambayayong sa komunidad aron mapalig-on ang kampanya batok sa loose firearms ug mapadayon ang kaluwasan sa mga residente.
