Gilauman nga personal nga motestigo sa Sandiganbayan si kanhi House Speaker o Leyte Representative Martin Romualdez isip kabahin sa iyang depensa sa ₱7.44-bilyong plunder case batok kaniya.
Matud sa iyang abogado nga si Atty. Ade Fajardo, gusto ni Romualdez nga hatagan og higayon nga personal nga ipatin-aw sa korte ang iyang depensa human pormal nga gitapos sa Sandiganbayan Third Division ang pre-trial proceedings.
Posible usab nga ipatawag sa depensa ang pipila ka security aide ug driver sa co-accused nga si kanhi Ako Bicol Representative Zaldy Co, lakip si Orly Guteza.
Sumala ni Fajardo, gikanayon ni Guteza sa iyang bag-ong sworn statement nga bahin sa usa ka setup ang iyang naunang testimonya.
Adunay 40 ka testigo ang posibleng ipresentar sa depensa, apan mahimo pa kining mausab depende sa mga ebidensiyang ipresentar sa prosekusyon.
Samtang, nagpabilin si Romualdez sa Quezon City Jail–Male Dormitory sa Payatas, samtang at large ang tulo niyang co-accused, lakip na si Co.
Gipahinumdoman usab sa korte ang abogado ni Romualdez nga si Atty. Judd Roy human niini gikuwestiyon sa media alang sa pagbasa sa information atol sa arraignment.
