Gipadayon sa Land Transportation Franchising and Regulatory Board ang pagdungog sa mga petisyon sa mga transport group alang sa pagtaas sa pamasahe.
Matud ni Department of Transportation o DOTr Secretary Giovanni Lopez, ginahuman na lamang sa LTFRB ang mga pagdungog isip kabahin sa proseso sa pagdesisyon sa maong petisyon.
Pasiugda ni Lopez nga dili lamang ang hanay sa mga transport group ang angay paminawon, kondili lakip na usab ang kahimtang ug interes sa mga pasahero.
Gilauman sa kalihim nga adunay resulta ang LTFRB hangtod Oktubre kung aprobahan ba o dili ang gihangyo nga fare hike.
Samtang, gipasaligan niini nga naghimo na ang gobyerno og mga lakang aron matabangan ang mga transport operator ug commuters tungod sa padayong pagsaka sa presyo sa petrolyo sa nasud.
