Nakakuha og tulo ka nominasyon ang Pinay girl group nga BINI sa BreakTudo Awards 2026. Lakip sa ilang nominasyon ang International Women’s Group, diin makigtigi sila sa Babymonster, BlackPink, Flo, Illit, Itzy, Katsye ug Twice. Nominado ang ilang kanta nga “Sweet Note” alang sa International Music Video category, diin makigtigi kini sa mga music video nila Enhypen, Lisa, BlackPink, Ariana Grande, BE, Lady Gaga, Doechii ug Katy Perry.
Dugang pa niini, nominado usab ang fans sa BINI nga gitawag og Blooms alang sa International Fandom of the Year. Magkompetensya sila sa ATIN sa SB19, ARMY sa BTS, Besties sa BE, BLINKS sa BlackPink, ENGENE sa Enhypen, FreenBeckyFans ug Swifties ni Taylor Swift.
Sumala pa sa organizers, nagsugod ang voting niadtong Setyembre 17 ug magpadayon hangtod Oktubre 17.Sa pagkakaron, gilauman nga magpadayon ang suporta sa mga fans sa BINI ug Blooms pinaagi sa pag-apil sa voting alang sa tulo ka nominasyon.
Kahinumduman, ipahigayon ang BreakTudo Awards 2026 awarding ceremony sa Nobyembre 24 sa São Paulo, Brazil.
