Hapit na maghimo og krusyal nga desisyon si US President Donald Trump bahin sa posibleng aksiyon batok sa Iran.
Matud ni Trump, iyang gitimbang-timbang kung ipadayon ba sa Estados Unidos ang pag-atake aron tuluyang malumpag ang Iran o dili.
Alang kaniya, dako kini nga desisyon tungod kay daghan ang posibleng mahitabo depende sa iyang pilion nga aksyon.
Samtang, adunay direkta nga komunikasyon tali sa Estados Unidos ug Iran human mangandoy ang Tehran og kasabotan uban sa Washington.
Nahisgotan usab sa Presidente ang pagharang sa Estados Unidos sa Strait of Hormuz, diin naapektuhan ang pagbiyahe sa mga barko paingon ug gikan sa Iran.
Nahimo usab nga mas mapanalipdanon ang Estados Unidos ngadto sa mga nasod sa Gulf.
Gilauman nga makigtagbo si Trump sa mga lider sa Gulf countries sa sunod semana aron hisgutan ang sitwasyon sa rehiyon.
