Nag-emergency landing ang usa ka Boeing 737 sa Sepehran Airlines human matangtang ang usa sa mga ligid niini atol sa paglupad kaniadtong Septiyembre 15, 2026.
Gikan sa Mashhad, Iran ang eroplano ug padulong unta kini sa Kermanshah sa dihang nahitabo ang insidente.
Pagkahuman mismo sa takeoff gikan sa Hashemi Nejad International Airport, natangtang o mibuto ang usa ka ligid sa landing gear sa eroplano.
Tungod niini, naapektuhan usab ang makina ug misunod ang kusog nga pag-uyog sa tibuok fuselage sa eroplano.
Nagpanic ang mga pasahero samtang misinggit ug nag-ampo, samtang niabli ang mga overhead bin tungod sa kakusog sa pag-uyog ug nangatagak ang pipila ka bagahe.
Nangtangtang usab ang pipila ka interior ceiling panel sulod sa cabin.
Walay gikatahong nasamdan o namatay sa insidente.
Malampusong nakabalik ug nakalanding sa Mashhad Airport ang mga piloto, diin gibalhin ang mga pasahero sa laing flight aron makapadayon sa ilang biyahe.
