Gihulagway ni House Deputy Speaker ug La Union Representative Paolo Ortega V nga “exciting” ug “explosive” ang gikatakdang presentasyon sa mga ebidensya batok kang Vice President Sara Duterte kabahin sa alegasyon sa unexplained wealth.
Matud pa ni Ortega, kinahanglan nga tutokan sa publiko ang sunod nga mga hearing sa impeachment trial, ilabina nga dakong kantidad sa kwarta ang giingong miagi sa bank accounts nila Duterte ug iyang bana nga si Atty. Manases Carpio, base sa mga rekord nga gisumite sa mga bangko ngadto sa Anti-Money Laundering Council (AMLC).
Sugdan na sa prosecution ang ilang presentasyon sa kapin 1,800 ka dokumento, lakip ang bank ug insurance records sa Office of the Vice President karung umaabot nga Lunes, Septiyembre 14, 2026.
Apan, matod ni House prosecutor ug Manila Representative Joel Chua, dili tanan bank records ang ipresentar aron dili motaas pag-ayo ang pagtaral ug pilion lamang ang importanteng mga dokumento nga ilang ipresentar.
Sumala kang Chua, makatabang ang full-day hearings aron mapaspas ang presentasyon sa ebidensya sa unexplained wealth ug bribery articles.
Gibanabanang duha o posibleng tulo ka testigo ang mapresentar sa prosecution matag adlaw, depende sa dagan sa mga hearing ug sa gidugayon sa pagpangutana sa matag usa ka testigo.
