Giduso ni Interior Secretary Jonvic Remulla nga tugotan ang Philippine National Police (PNP) sa pag-inspeksyon sa mga balay sa mga gun owners aron masuta kung luwas ba ang pagtipig niini ug dili ma-access sa unauthorized users.
Mitumaw ang proposal human sa duha ka bag-ong deadly school shootings sa Tacloban City ug Zamboanga City, diin mga menor de edad ang nakakuha og loaded firearms nga lisensyado sa ilang mga kapamilya.
Atol sa House budget hearing sa Department of the Interior and Local Government, gikanayon ni Remulla nga kinahanglang repasohon ang implementing rules and regulations sa Republic Act 10591 o Comprehensive Firearms and Ammunition Regulation Act.
Pinaagi niini, mahimong legal nga hatagan og access ang PNP sa mga balay aron susihon ang safekeeping procedures sa mga armas.
Matod ni Remulla, mokabat sa 800,000 ka personnel sa uniformed services ang adunay government-issued firearms ug responsibilidad nilang siguruhon nga luwas kini kanunay.
Giila usab niyang posibleng kuwestiyonon ang proposal tungod sa privacy rights, apan iyang gipasiugda nga ang pagpanag-iya og armas, usa ka privilege ug dili constitutional right.
Una na usab niyang gisugyot nga himuong nonbailable ang illegal possession of firearms.
